A Consellería de Medio Ambiente e Desenvolvemento Sostible da Xunta de Galicia, o GAL Terra das Mariñas e o Consorcio As Mariñas, coordinados por este último, están desenvolvendo a implantación da Axenda 21 Local no territorio do Consorcio As Mariñas, que abrangue os concellos de Abegondo, Arteixo, Bergondo, Betanzos, Cambre, Carral, Culleredo, Oleiros e Sada.
O obxectivo deste proxecto é acadar o desenvolvemento sostible dende un punto de vista económico, social e ambiental dos nove concellos nos que se implanta. Para iso é necesario, posibilitar a integración de todas as accións susceptibles de ser promovidas ou apoiadas pola Administración Municipal e Autonómica. De forma simultánea, débense elaborar tódalas ferramentas de planificación da sostibilidade, que teñen como fin último o deseño dun Plan de Acción Local.
O Plan de Acción Local será o instrumento básico de decisión nas actividades de goberno do concello, onde se sentarán as bases dun proxecto a longo prazo, definindo as liñas de acción específicas.
O último paso deste proxecto consiste nun Plan de Seguimento que permitirá avaliar a longo prazo o grado de cumprimento do Plan de Acción, así como adaptar as súas propostas aos cambios xerados ao longo do tempo, segundo os condicionantes económicos, políticos, sociais e tecnolóxicos.

 
 
Consorcio As Mariñas.
Lugar de Bos, Naves O Carballal, 4, C.P. 15640, Guísamo, (Bergondo). A Coruña.
Tlf: 981 784 704 Fax: 981 784 721 www.consorcioam.org
Idom
W3C_HTML W3C_CCS W3C_WAI
Conformidade a estándares e accesibilidade